Чеченистон раҳбари Рамзан Қодировнинг баёноти бўйича Инсон ҳуқуқлари кенгаш ҳисоботи ортиқча муҳокамаларнинг олдини олиш учун шахсан Владимир Путинга етказилади. Бу ҳақда Инсон ҳуқуқлари бўйича кенгаш раиси ўринбосари Евгений Бобров маълум қилди, деб хабар беради «Интерфакс».
«Ҳисобот махфий бўлади. Биз уни шахсан президентга етказамиз. Президент бизнинг ишимиз натижасини ошкор қилишга қарор қилмаса, биз уни чоп этмаймиз», — деди Бобров.
Унинг сўзларига кўра, Чеченистон раҳбарининг сўзлари лингвистик экспертизага юборилган. «Унинг қанча муддат давом этишини айтиш қийин, материаллар шунчалик кўпки, унинг фақат бир қисми ўрганилиши ҳам мумкин», — деди кенгаш раиси ўринбосари.
Эслатиб ўтамиз, 12 январь куни Қодиров журналистлар билан учрашувда «тизимдан ташқаридаги мухолифат вакилларига халқ душманлари, хоинлар каби муносабатда бўлиш», «бундай кишиларни уларнинг қўпорувчилик фаолияти учун суд қилиш»га даъват этган эди.
Ҳуқуқ муҳофазачилари ва жамоатчилик арбоблари эса уни ушбу гаплари учун истеъфога чиқарилишини талаб қилиб, ариза ёзди.
26 январь куни эса «Яблоко» партияси фаоллари Рамзан Қодировнинг истеъфосини талаб қилиб, митинг уюштиради.
Изоҳ (0)