Rossiyalik jurnalist va bloger Dmitriy Shipilov Ukrainada siyosiy qochoq maqomiga ega bo‘ldi, deb yozadi Meduza.
Bu haqda Shipilovning o‘zi Facebook’dagi sahifasida ma’lum qildi, o‘z postiga u qochoqlik guvohnomasi suratini ilova qildi.
Asli kemerovolik jurnalist 2012-yilda o‘z blogida sud tomonidan Kemerovo viloyati gubernatori va viloyat madaniyat va milliy siyosat bo‘limi rahbarini haqoratlovchi deb topilgan maqolalar chop etgani uchun 11 oyga axloq tuzatish ishlariga mahkum etilgan edi. Shipilov esa o‘zini aybdor deb tan olmadi va jazoni ijro etishdan bosh tortib, Moskvaga jo‘nadi. 2014-yil kuzida u Podmoskovyeda qo‘lga olindi va axloq tuzatish ishlaridan bosh tortgani uchun o‘zgartirilgan sud hukmi — surgun koloniyada uch oylik jazoni o‘tadi. 2015-yil fevralida esa u Ukrainadan siyosiy boshpana so‘radi.
Izoh (0)