Россиялик журналист ва блогер Дмитрий Шипилов Украинада сиёсий қочоқ мақомига эга бўлди, деб ёзади Meduza.
Бу ҳақда Шипиловнинг ўзи Facebook’даги саҳифасида маълум қилди, ўз постига у қочоқлик гувоҳномаси суратини илова қилди.
Асли кемероволик журналист 2012 йилда ўз блогида суд томонидан Кемерово вилояти губернатори ва вилоят маданият ва миллий сиёсат бўлими раҳбарини ҳақоратловчи деб топилган мақолалар чоп этгани учун 11 ойга ахлоқ тузатиш ишларига маҳкум этилган эди. Шипилов эса ўзини айбдор деб тан олмади ва жазони ижро этишдан бош тортиб, Москвага жўнади. 2014 йил кузида у Подмосковеда қўлга олинди ва ахлоқ тузатиш ишларидан бош тортгани учун ўзгартирилган суд ҳукми — сургун колонияда уч ойлик жазони ўтади. 2015 йил февралида эса у Украинадан сиёсий бошпана сўради.
Изоҳ (0)