Yaponiya 40 yillik tanaffusdan so‘ng yana AQShdan neft xarid qilishni boshladi

Yaponiya salkam 40 yillik tanaffusdan so‘ng yana AQShdan neft sotib olishni boshladi. Bu haqda “TASS” xabar bermoqda.

300 ming barrel miqdoridagi Texas neftining (jumladan, slans nefti ham) birinchi turkumi mamlakatning neft savdosi bilan shug‘ullanuvchi yirik kompaniyasi — Cosmo Energy Holdings tomonidan xarid qilindi. Uning asosiy qismi qayta ishlanib, benzin olinadi. Yaponiya o‘tgan yil dekabrida Amerika neftini sotib olishni ko‘paytirish va Yaqin Sharq xomashyosiga o‘ta bog‘liqlikni qisqartish istagini bildirgandi.

Eslatib o‘tamiz, oldinroq AQSh Kongressi 40 yil davomida amal qilgan neft eksporti taqiqini bekor qilgani haqida xabar berilgandi.