Rossiyaning Tyumen shahrida yunon-rum kurashi bo‘yicha Gran-Pri turkumiga kiruvchi Ivan Poddubniy xotirasiga bag‘ishlangan an’anaviy xalqaro turnir o‘tkazildi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.
Bu yilgi musobaqada Rossiya, O‘zbekiston, Belarus, Isroil va Qirg‘iziston terma jamoalari g‘oliblik uchun kurash olib bordi.
Musobaqalar yakuniga ko‘ra, O‘zbekiston terma jamoasi yetakchilaridan biri Elmurat Tasmuradov (-59 kg) kumush medal sovrindori bo‘ldi.
Elmurat finalga qadar kechgan bellashuvlarda Olimpiada—2012 sovrindori Mingiyan Semyonov, 2013-yilgi jahon chempionati sovrindori Ivan Kuylakovni (ikkalasi ham Rossiyadan) mag‘lub etib, finalda mezbonlar vakili Ibragim Labzanovga imkoniyatni boy berdi.
Izoh (0)