Alyaska sohillari yaqinidan dengiz qa’rida yashaydigan g‘aroyib latta baliq topildi, deya xabar bermoqda “Segodnya.ua”. Bu so‘nggi 40 yil ichida ushbu shtatda topib olingan ikkinchi latta baliqdir.
Gleysher-Bey milliy bog‘i hududida sohilga chiqib qolgan baliqning uzunligi 1,5 metrdan oshadi, u homilador ekanligi aniqlandi. Qizig‘i shundaki, o‘tgan safar — 2015-yilning iyulida topilgan latta baliq ham homilador bo‘lgan. Bu tasodif olimlarni qiziqtirib qo‘ydi.
Bunday baliqlarning skeleti juda yumshoq bo‘lib, ular har qanday yo‘nalishda egila oladi, aynan shuning uchun ushbu dengiz jonivori “latta” deb ataladi.
Izoh (0)