Krasnoyarsk shahar kengashi deputati Konstantin Senchenko Checheniston rahbari Ramzan Qodirovdan uzr so‘ragani haqidagi ma’lumotni rad etdi, deb yozadi “RBK”.
Deputatning so‘zlariga ko‘ra, u o‘z efirida, go‘yoki, deputat Qodirovdan uzr so‘rayotgani qayd etilgan audioyozuvni uzatgan “Grozniy-TV” jurnalistlari bilan gaplashmagan. Senchenko keyinroq hodisa yuzasidan batafsilroq ma’lumot berishni va’da qildi.
Eslatib o‘tamiz, avvalroq Senchenko Ramzan Qodirovning pozitsiyasi va faoliyatiga nisbatan norozilik bildirib, uni “Rossiya isnodi” deb atagan edi. Keyinroq “Grozniy-TV”, go‘yoki, deputatga tegishli audioyozuvni e’lon qilgan, unda Senchenko Qodirovga nisbatan aytgan haqoratli gaplari uchun uzr so‘ragan edi.
Izoh (0)