Rolling Stone журналининг электрон кўринишида чоп этилган актёр ва режиссёр Шон Пенн билан суҳбати чоғида ўтган ҳафтада қўлга олинган Мексикадаги «Синалоа» наркокартели раҳбари, «Пакана» лақабли Хоакин Гусман дунёдаги энг қудратли наркобарон эканлигини эътироф этди. Бу ҳақда «ТАСС» хабар бермоқда.
«Дунёда энг кўп героин, метамфетамин, кокаин, марихуанани ўзим етказиб бераман. Кема ва сувости кемаларидан иборат бутун бошли флот, юк машиналари, самолётларга эгалик қиламан», — дея тан олган Гусман.
Шунингдек, жиноятчи ўтган йил июлида Мексикадаги ўта қаттиқ тартибли «Альтиплано» қамоқхонасидан қочишига оид айрим тафсилотлар билан ўртоқлашган. Унинг айтишича, камерасидан қочиши учун ҳозирланган 1,5 километрли туннель қазишга картель ерости ишларини амалга ошириш учун Германияда махсус тайёргарликдан ўтган муҳандисларни ёллаган.
Изоҳ (0)