AQSh Janubiy Koreyaga “Ronald Reygan” aviatashuvchisi, atom suvosti kemasi va F-22 qiruvchi samolyotini jo‘natadi. Bu haqda Yonhap ma’lumotlariga tayanib, Meduza xabar bermoqda.
Agentlik ma’lumotiga ko‘ra, bu harakatlar KXDR tomonidan o‘tkazilgan yadro sinoviga javoban AQSh va Janubiy Koreya o‘rtasidagi harbiy hamkorlikni kuchaytirish doirasida amalga oshirilmoqda. Shuningdek, ikki davlat mart oyiga mo‘ljallangan harbiy mashqlarni ertaroqqa ko‘chirish imkoniyatini ko‘rib chiqmoqda. AQSh qurolli kuchlaridagi rasmiy manbalar mazkur ma’lumotlarni hozircha tasdiqlamagan.
Eslatib o‘tamiz, oldinroq AQShning B-52 bombardimonchi samolyoti Janubiy Koreya osmonida parvoz qilgani haqida xabar berilgandi.
Izoh (0)