14-yanvar — Vatan himoyachilari kuni munosabati bilan Toshkent shahridagi Inha universiteti armiya safida xizmat burchini ado etayotgan yoshlar, ularning ota-onalarini qo‘llab-quvvatlash maqsadida tanlov e’lon qildi. Bu haqda universitet rektori Sherzod Shermatov Facebook’dagi “Maslahat.uz” guruhida xabar qoldirgan.
Tanlov g‘olibiga Samsung Gear 2 “aqlli soati”, ikkinchi o‘rin sohibiga “CodeCraft.uz” bolalar uchun vizual dasturlash kursiga bepul qatnash imkoniyati, uchinchi o‘rin egasiga esa USB-flesh xotira taqdim etiladi.
Tanlovda ishtirok etish uchun dastlab tanlov haqidagi “Maslahat.uz” guruhidagi e’lonni “Yoqdi” (Like, “Nravitsya”) deb belgilashi va Facebook’dagi sahifasida ulashishi (Share, “Podelitsya” qilishi), shuningdek, “Maslahat.uz” guruhiga a’zo bo‘lishi kerak. So‘ngra Toshkent shahridagi Inha universiteti va “CodeCraft.uz” loyihasining Facebook’dagi sahifalarini ham “Yoqdi” (Like, “Nravitsya”) deb belgilashi lozim.
Uchinchi shartga ko‘ra, harbiy xizmat o‘tayotgan yoshlar, ularning ota-onalarini qo‘llab-quvvatlash, yoshlarni vatanparvarlik ruhida tarbiyalashga qaratilgan rasmlar, maslahat, tilak, tavsiya, ibratli so‘z va shiorlarni internet tarmog‘ida quyidagi yo‘llar bilan tarqatish lozim:
- do‘stlar va oila a’zolari yordamida fotosurat olish yoki shu avzuda rasm chizish;
- yoki tanlov.maslahat.uz saytidagi tayyor shablondan foydalangan holda qayd etilgan mavzularda matn qo‘shish orqali yangi rasm yaratish.
Tanlov g‘olib va sovrindorlari 2016-yil 17-yanvar kuni Toshkent vaqti bilan 11:00 da aniqlanadi.
Izoh (0)