14 январь — Ватан ҳимоячилари куни муносабати билан Тошкент шаҳридаги Инҳа университети армия сафида хизмат бурчини адо этаётган ёшлар, уларнинг ота-оналарини қўллаб-қувватлаш мақсадида танлов эълон қилди. Бу ҳақда университет ректори Шерзод Шерматов Facebook’даги «Maslahat.uz» гуруҳида хабар қолдирган.
Танлов ғолибига Samsung Gear 2 «ақлли соати», иккинчи ўрин соҳибига «CodeCraft.uz» болалар учун визуал дастурлаш курсига бепул қатнаш имконияти, учинчи ўрин эгасига эса USB-флеш хотира тақдим этилади.
Танловда иштирок этиш учун дастлаб танлов ҳақидаги «Maslahat.uz» гуруҳидаги эълонни «Ёқди» (Like, «Нравиця») деб белгилаши ва Facebook’даги саҳифасида улашиши (Share, «Поделиця» қилиши), шунингдек, «Maslahat.uz» гуруҳига аъзо бўлиши керак. Сўнгра Тошкент шаҳридаги Инҳа университети ва «CodeCraft.uz» лойиҳасининг Facebook’даги саҳифаларини ҳам «Ёқди» (Like, «Нравиця») деб белгилаши лозим.
Учинчи шартга кўра, ҳарбий хизмат ўтаётган ёшлар, уларнинг ота-оналарини қўллаб-қувватлаш, ёшларни ватанпарварлик руҳида тарбиялашга қаратилган расмлар, маслаҳат, тилак, тавсия, ибратли сўз ва шиорларни интернет тармоғида қуйидаги йўллар билан тарқатиш лозим:
- дўстлар ва оила аъзолари ёрдамида фотосурат олиш ёки шу авзуда расм чизиш;
- ёки tanlov.maslahat.uz сайтидаги тайёр шаблондан фойдаланган ҳолда қайд этилган мавзуларда матн қўшиш орқали янги расм яратиш.
Танлов ғолиб ва совриндорлари 2016 йил 17 январь куни Тошкент вақти билан 11:00 да аниқланади.
Изоҳ (0)