Telekommunikatsiyalar sohasidagi yirik xalqaro yetakchi, mobil internet uchun korxona va foydalanuvchilarga yechimlar yetkazuvchi ZTE korporatsiyasi Telecom Asia nashriyotining “Kichik uyalar sohasida yil innovatsiyasi” mukofotini yutib oldi.
Sovrin kichik uyali aloqalar sohasida ZTE yechimlari yetakchi imkoniyatlarining e’tirof etilishidir. Ular operatorlarga yuqori samarali, ko‘p rejimli 4G LTE, 3G va 2G tarmoqlarni yaratish, binoda katta hajmdagi ma’lumotlarni osonlikcha uzatish imkonini beradi. ZTE kichik uyalar yechimi tarmoqning tezkorlik va osonlik bilan ishlashiga imkoniyat yaratadi, bu esa mijozlarning uni ta’minlash bilan bog‘liq xarajatlarini kamaytiradi.
“Mazkur mukofotga sazovor bo‘lganimizdan mamnunmiz, bu ZTE’ning bino ichida tarmoqni qoplash kabi murakkab sohada yetakchi sifatidagi o‘rnini ko‘rsatadi. Tadqiqot va innovatsiyalarga sodiqligimiz bilan ZTE dunyodagi barcha operatorlar uchun o‘z darajasida eng yaxshi simsiz tarmoqni o‘rnatish bo‘yicha ishonchli hamkor sanaladi, u abonentlar uchun a’lo darajadagi samaradorlik va qulaylikni ta’minlaydi”, — dedi ZTE’ning simsiz mahsulotlar bo‘yicha direktori Van Ruo Chjen.
Telecom Asia nashriyoti har yili o‘tkaziladigan Readers’ Choice & Innovation Awards mukofotining tashkilotchisi sanaladi. Sovrin Osiyo mintaqasida telekommunikatsiyalar sohasida erishilgan yutuqlar uchun taqdim etiladi. G‘oliblar nashriyot muharrirlari, tahlilchilari va maslahatchilari tayyorlagan ro‘yxatdan Telecom Asia mushtariylari tomonidan tanlab olinadi.
Telecom Asia sovrini ZTE uchun mazkur yil boshida bo‘lib o‘tgan LTE World Summit 2015 dagi g‘alabadan keyingi mukofotdir. Mazkur sammit doirasida ZTE geterogen tarmoqlarda eng yaxshi innovatsiya uchun mukofotini qo‘lga kiritdi.
Eslatib o‘tamiz, avvalroq ZTE korporatsiyasining binolarda tarmoqni qoplash bo‘yicha Qcell yechimi LTE World Summit 2015 sammiti doirasida geterogen tarmoqlarda “Eng yaxshi innovatsiya” sifatida tan olingan.
ZTE — telekommunikatsion qurilmalar va mobil telefonlarni yetkazib berish bo‘yicha dunyodagi yetakchidir. ZTE mahsulotlari assortimenti simli va simsiz aloqa, mobil va o‘rnatilgan terminallar bozorining deyarli barcha sektorini o‘z ichiga oladi.
Bugungi kunda dunyoning ko‘plab mamlakatlarida ZTE’ning bir qator vakolatxonalari va tadqiqot markazlari joylashgan bo‘lib, ularda o‘n minglab kishi mehnat qilmoqda. Kompaniya Osiyo-Tinch okeani mintaqasi, Janubiy Osiyo, Shimoliy Amerika, Yevropa, Lotin Amerikasi, Afrika va MDHdagi 500 dan ortiq aloqa operatorlariga xizmat ko‘rsatgan holda, 140 ta mamlakat va mintaqalarga qurilma va xizmatlarini yetkazib bermoqda.
ZTE kompaniyasi hozirda iqtisodiyotning turli sohalarida 50 dan ortiq yechimlarni taqdim etmoqda. Shu bilan bir qatorda, Xitoy kompaniyasi iste’molchilar uchun ham mahsulotlar – telefonlardan tortib, smartfon va planshetlargacha taklif etadi. Qayd etish lozimki, mazkur mahsulot ichki bozorda ham mavjud. ZTE kompaniyasining asosiy dasturiy platformasi OS Android hisoblanadi.
ZTE sho‘ba korxonasi 10 yildan buyon O‘zbekiston Respublikasida o‘z faoliyatini yuritib kelyapti. Mazkur davr mobaynida kompaniya ilg‘or texnologiyalardan foydalanish imkoniyatini taqdim etgan holda, mahalliy aholi uchun ish o‘rinlarini yaratib, mahalliy aholining kommunikatsion texnologiyalar sohasidagi bilimlarini yaxshilab, O‘zbekistondagi telekommunikatsion soha rivojiga o‘z hissasini qo‘shdi.
O‘zbekistoning telekomunikatsion operatorlari — Beeline, Ucell, “O‘zbektelekom” AK va boshqalar Xitoy kompaniyasining qurilmalaridan foydalanadi. 2013-yilning iyul oyida ZTE O‘zbekistonning Sirdaryo viloyatida mobil telefonlar va ularga aksessuarlar ishlab chiqaruvchi zavodni ishga tushirdi. Mobil telefonlar UZTE brendi ostida ishlab chiqarilyapti. Hozirda korxona smartfonlarning oltita modelini ishlab chiqarmoqda.
Reklama huquqi asosida
Izoh (0)