“Roskosmos”ning telestudiyasi Yer sayyorasi joylashgan Somon yo‘li galaktikasini kelajakda qanday halokat kutayotgani haqida hikoya qiluvchi rolik tayyorladi. Meduza’ning qayd etishicha, 4 milliard yildan so‘ng bizning galaktikamiz hozirgi vaqtda 2,5 million yorug‘lik yili uzoqlikda joylashgan Andromeda galaktikasi bilan to‘qnashadi.
To‘qnashuvdan bir necha million yil o‘tib, ikki galaktika yagona — ulkan galaktikaga aylanadi. Astrofizik Rashid Syunyayev, agar Yerda o‘sha vaqtda ham odamlar yashayotgan bo‘lsa, ular nimalarga guvoh bo‘lishi haqida so‘zlab berdi: “Yerliklar uchun bu unchalik ham yoqimli tomosha bo‘lmaydi. Quyosh tizimi noodatiy tezlikda galaktikamizdan qayergadir uzoqqa otilib ketadi. Bu yulduzlar bo‘tqasi ichra ajoyib parvoz bo‘ladi”.
https://www.youtube.com/watch?v=UP5xZPlShdk
Somon yo‘li va Andromeda to‘qnashuvi vizualizatsiyasini batafsil bu videoda ko‘rish mumkin:
https://www.youtube.com/watch?v=PrIk6dKcdoU
Izoh (0)