Испанияда қирол Фелипе IV нинг синглиси Кристина ва унинг турмуш ўртоғи Иняки Урдангарин иштирокидаги суд жараёни бошланди. Ҳаммаси бўлиб бу иш бўйича 18 киши жавоб бермоқда, дея хабар беради «РИА Новости».
Малика 2007—2008 йилларда солиқ билан боғлиқ жиноятга қўл урганликда айбланмоқда: Кристина ўзига қарашли бўлган Aizoon фирмаси солиқ тўлашидан қочиши орқали фойда олганлиги гумон этилган. Шунингдек, унинг турмуш ўртоғи раҳбарият таркибига кирган Noos институти маҳаллий маъмуриятлардан ноқонуний олган йирик миқдордаги маблағлар мазкур фирмага ўтказиб берилгани ҳам тахмин қилинмоқда.
Суд арафасида Урдангариннинг бизнес-шериги бўлган Диего Торрес Қироллик уйи айблов эълон қилинган ишлар ҳақида нафақат билгани, ҳатто «қатор ҳолатларда ҳамкорлик ҳам қилгани»ни таъкидламоқда. Бироқ, унинг билдиришича, амалга оширилган битимларнинг барчаси қонуний бўлган.
Изоҳ (0)