Iroq rasmiylari Eron—Iroq urushida (1980—1988) halok bo‘lgan 93 nafar eronlik harbiy xizmatchining jasadini Eronga topshirdi. Mazkur marosim ikki mamlakat chegarasidagi Shalamcha punktida bo‘lib o‘tdi, deya xabar beradi “TASS”.
IRINN telekanalining (Eron) ma’lum qilishicha, asosan 1988-yili Iroqning Fao yarimoroli va Majnun oroli hududidagi janglarda halok bo‘lgan harbiy xizmatchilar jasadi solingan tobutlar 11-yanvar, dushanba kuni Eronning Axvaz shahriga yetkazib kelinadi va shu yerda 12-yanvar kuni tuproqqa qo‘yiladi.
Eron—Iroq urushida nobud bo‘lganlarning aniq soni hozirgacha ma’lum emas. Turli manbalarga ko‘ra, jangovar harakatlarda ikki tomondan ham 500 mingdan 1,5 milliongacha odam halok bo‘lgan.
Izoh (0)