Путин дзюдо бўйича терма жамоа машғулотида қатнашди ва унинг бош мураббийига Россия фуқароси паспортини топширди

Владимир Путин Сочидаги «Юг Спорт» марказида дзюдо бўйича Россия терма жамоаси билан машғулот ўтказди. Бу ҳақда «Корреспондент.net» хабар бермоқда.

Татамида Путинга дзюдо бўйича Россия терма жамоаси бош мураббийи Эцио Гамба шериклик қилди. Машғулотдан сўнг Путин унга Россия фуқароси паспортини топширди.

«Италия бош вазири билан мулоқотим чоғида унга Россия фуқаролигини олаётганингиз, бироқ бу билан италиялик бўлмай қолмаслигингиз, сиз туфайли Италияни янада кўпроқ яхши кўришимизни айтдим», — дея таъкидлаган Путин.

1980 йилда Москвада Олимпиада чемпиони бўлган Гамба 2008 йилдан бери дзюдо бўйича Россия эркаклар терма жамоасига мураббийлик қилади. Унинг раҳбарлигида жамоа 2012 йилги Лондон Олимпиадасида тарихида биринчи бор олтин медалларни (жами 5 та медаль, улардан учтаси олтин) қўлга киритган.