Germaniya harbiy-havo kuchlarining Tornado razvedkachi samolyotlari Suriya va Iroq osmonida birinchi parvozlarni amalga oshirdi. Parvozda ishtirok etgan va “yuklatilgan vazifani bajargan” ikki samolyot o‘zlari joylashgan Turkiyaning Injirlik bazasiga eson-omon qo‘ndi. Bu haqda mamlakat qurolli kuchlari —Bundesver vakili ma’lum qildi, deya xabar beradi TASS.
O‘tgan yil dekabrida Germaniya parlamenti — bundestag qurolli kuchlarning IShIDga qarshi aksilterror operatsiyasida ishtirok etishiga ruxsat berdi. Operatsiyada ko‘pi bilan 1,2 ming nafar harbiy qatnashadi, 6 ta Tornado, harbiy kema va yoqilg‘i quyish samolyotlari safarbar etilgan. Missiya bir yilga mo‘ljallangan, biroq ushbu muddat uzaytirilishi ham mumkin.
Izoh (0)