Efiopiyaning Ginchi shahrida rasmiylar o‘rmon kesilishi haqida e’lon qilgandan so‘ng noyabr oyida boshlangan g‘alayonlarda kamida 140 kishi halok bo‘lgan. Bu haqda Human Rights Watch (HRW) xalqaro huquqni himoya qilish tashkiloti ma’lum qildi, deya xabar beradi “RIA Novosti”.
“Kuch tizimi xodimlari kamida 140 nafar namoyishchini o‘ldirgan va undan ham ko‘p odamni jarohatlagan. Bu Efiopiyada 2005-yilgi saylovlar chog‘ida yuz bergan g‘alayonlardan keyingi eng yirik bo‘hron bo‘lishi mumkin”, — deyiladi tashkilot saytida joylashtirilgan bayonotda.
Efiopiya hukumati huquq himoyachilarining mazkur bayonotiga izoh bermagan. Rasmiylar besh kishi nobud bo‘lganini tan olgan, xolos.
Izoh (0)