Buyuk Britaniyada yuz bergan toshqinlar mamlakat iqtisodiyotiga keltirgan zarar 1,6—2,2 milliard funt sterlingni (2,37—3,26 milliard dollar) tashkil etishi mumkin. Bu haqda “Interfaks” xabar bermoqda.
Mazkur summadan 1—1,2 milliard funti sug‘urta to‘lovlari hisobiga qoplanadi. Shuningdek, Buyuk Britaniya hukumati toshqinlardan himoyalanish uchun 2,3 milliard funt ajratishni va’da qilgan.
Buyuk Britaniya shimoliy qismida davomli yomg‘irlar oqibatida sodir bo‘lgan toshqinlar tufayli 10 mingdan ziyod uy elektr energiyasidan mahrum bo‘ldi, minglab kishilar evakuatsiya qilindi, bir necha ko‘priklar yopilgan, ulardan biri vayron bo‘lgan.
Qutqaruvchilarga harbiy xizmatchilar va ko‘ngillilar yordamga kelgan. Metereologlar yaqinlashib kelayotgan Frenk po‘rtanasi vaziyatni yanada og‘irlashtirishi mumkinligi to‘g‘risida ogohlantirmoqda.
Izoh (0)