Gollivudning eng shov-shuvli 7 ta to‘yi

Venetsiyada Jeff Bezos va Loren Sanchesning dabdabali to‘yi butun dunyoni hashamati bilan hayratda qoldirdi, to‘y uchun sarflangan 50 million dollarlik byudjet haqidagi mish-mishlar esa qiziqishni yanada orttirdi. Gollivud mashhurlari har doim dabdabaga intilishgan, ammo hamma ham pulni havoga sovurishni yoqtirmaydi.  Ularning ko‘pchiligi bayramni oila davrasida, samimiy va dabdabasiz o‘tkazishni afzal ko‘radi. Quyida eng hashamatli va eng kamtarona yulduzli to‘ylarning byudjetlari va ularning muhiti taqqoslandi.

1. Millionlik hashamat: Bred Pitt va Jennifer Eniston

   

Bred Pitt va Jennifer Enistonning 2000-yil Malibudagi to‘yi tarixga kirdi: 200 kishilik chodir, Billi Prestonning jonli musiqasi, taomnomadagi ikralar va hamma joyda atirgullar — bularning bari o‘n minglab mehmonlarga mo‘ljallangan edi. Gulchilarning bezak ishlarining o‘ziga uch kun vaqt sarflandi. Dizayner Lourens Stil tomonidan Eniston uchun tikilgan nikoh ko‘ylagini barcha tabloidlar muhokama qilishdi. Bazm okean shovqini ostida mushakbozlik bilan yakunlandi.

To‘y byudjeti: 1 million dollar.

To‘yning o‘ziga xos tomonlari: har bir burchakda qo‘riqchi, telefonlar uchun to‘liq taqiq.

2. O‘rta asr hashamati: Tom Kruz va Keti Holms

   

Ushbu tantana uchun 2006-yilda XV asrga oid haqiqiy italyan qal’asi — Orsini-Odeskalka ijaraga olingan. Tom Kruz u yerga vertolyotda yetib keldi, Keti Holms esa xuddi filmlardagi sevgi qahramoni kabi ko‘l bo‘ylab gondolada suzib keldi. Kechqurun nikoh oqshomida opera xonandasi Andrea Bochelli ariya ijro etdi va nikoh sayentologik marosim bo‘yicha o‘tkazildi.

To‘y byudjeti: 3 million dollar.

To‘yning o‘ziga xos tomonlari: kelinning uch xil nikoh ko‘ylagi, italyan taomlari, mehmonlar uchun maxsus parvozlar.

3. Gullar ertagi: Sofiya Vergara va Jo Manganello

   

Bu to‘yda eng katta ko‘rgazmadagiga qaraganda ko‘proq gullar bor edi: butun byudjetning chorak qismi floristikaga sarflangan. Dizayner Zuhayr Murod tomonidan tikilgan 11 metrlik shleyfli nikoh ko‘ylagida Sofiya Vergara yuqori moda durdonasiga o‘xshardi. Floridada bo‘lib o‘tgan ziyofat haqiqiy raqs marafoniga aylandi — mehmonlar reper Pitbullni tinglab shou-balet tomosha qildi. Kecha karaoke va mushakbozlik bilan yakunlandi.

To‘y byudjeti: 4 million dollar.

To‘yning o‘ziga xos tomonlari: san’at darajasidagi floristika, shou-balet, bir kun avvalgi wellcome-party.

4. Bollivud harakatda: Priyanka Chopra va Nik Jonas

   

Priyanka Chopra va Nik Jonas bir vaqtning o‘zida ikki xil madaniyatni birlashtirib — hind va g‘arb uslubida to‘y o‘tkazdi. Marosim go‘yoki yulduzli mehmonlar paradiga o‘xshardi. Nikoh to‘yi minglab chiroqlar va gulbarglar bilan bezatilgan Jag Mandir saroyida bo‘lib o‘tdi va jonli efirda yoritildi.

To‘y byudjeti: 800 ming dollar.

To‘yning o‘ziga xos tomonlari: Beshta kiyim almashinuvi, Bollivud yulduzlari, an’anaviy mexendi.

5. 142 dollarlik to‘y: Daks Shepard va Kristen Bell

   

Ushbu yulduzli to‘y bu ro‘yxatda tejash rekordini o‘rnatdi. Juftlik shou-dastur o‘rniga meriya xodimlarining tabriklari bilan cheklandi. Daks Shepard va Kristen Bell barcha xarajatlardan voz kechib, 80 dollarlik ko‘ylak va do‘stlari uchun tort bilan nikoh bazmini o‘tkazishdi. Tabloidlar ularning nikohini “musaffo sevgi manifesti” deb atashdi.

To‘y byudjeti: 142 dollar.

To‘yning o‘ziga xos tomonlari: eng arzon yulduzli to‘y.

6. Hech qanday pafos: Sara Jessika Parker va Mettyu Broderik

   

Sara Jessika Parker va Mettyu Broderikning nikoh to‘yi 1997-yilda bo‘lib o‘tgan. Juftlik kechqurun barchani bazm dasturxoniga yig‘di. Sara ularning oldiga qora ko‘ylakda chiqdi, bu uning an’anaviy hashamatli liboslarga qarshi noroziligi edi. Aktyorlar 25 yillik turmushi davomida muxlislarning iltimoslariga qaramay, to‘y o‘tkazishmadi.

To‘y byudjeti: aniqlanmagan, lekin minimal.

To‘yning o‘ziga xos tomonlari: oxirigacha maxfiy saqlandi, media mavjud emas, faqat yaqinlar uchun.

7. Eng yaqinlar uchun: Kemeron Dias va Benji Madden

   

Kemeron Dias va Benji Meddenning to‘yi ularning shaxsiy hovlisida bo‘lib o‘tdi. Marosimga hammasi bo‘lib 40 ta mehmon keldi. Paparatssilar umuman yo‘q edi. Yulduzli juftlik to‘y maxfiy bo‘lishi uchun barcha choralarni ko‘rdi — hudud atrofida begonalarni kiritmasdan qo‘riqchilar navbatchilik qilishdi.

To‘y byudjeti: bir necha ming dollar.

To‘yning o‘ziga xos tomonlari: maxfiylik, oddiylik, kuyovning akasidan jonli ijro.

Bochelli va vertolyotlar bilan o‘tkaziladigan tantanalardan tortib oddiy qora ko‘ylakda FHDY bo‘limiga borishgacha — yulduzli to‘ylar bir qolipga sig‘maydi. Millionlar yoki 142 dollar — bu byudjet masalasi emas, balki did va ustuvorliklar masalasidir.