Netflix 2025-yilning yanvaridan iyun oyigacha bo‘lgan davr mobaynida platformadagi eng ommabop original serial va filmlar ro‘yxatini e’lon qildi. To‘liq metrajli filmlar orasida eng ko‘p tomosha qilingan loyiha aktrisa Kemeron Dias bosh rolni ijro etgan komedik jangari — “Qaytish” (“Back in Action”) bo‘ldi.
Shuningdek, reytingga hayotiy muammolar girdobida qolgan yolg‘iz ona haqida hikoya qiluvchi “So‘nggi tomchi” (“Straw”), Tom Xardi ishtirokidagi trillerni janriga mansub “Halokat” (“Havoc”) hamda ilmiy-fantastik jangari film “Elektr shtat” (“The Electric State”) kiritildi. E’tiborga molik jihatlardan biri shuki, platformadagi umumiy tomoshalarning uchdan bir qismi ingliz tilida bo‘lmagan filmlarga to‘g‘ri kelgan.
Netflix’da eng ko‘p tomosha qilingan 10 ta film:
“Qaytish” (Back in Action, 2024) — 164,7 mln marta
“So‘nggi tomchi” (Straw, 2025) — 102,9 mln
“Orzular ro‘yxati” (The Life List, 2025) — 95,5 mln
“Huquqiy doiradan tashqarida” (Exterritorial, 2025) — 87,5 mln
“Halokat” (Havoc, 2025) — 86,9 mln
“Uy hayvonlarining maxfiy hayoti 2” (The Secret Life of Pets 2, 2019) — 74,5 mln
“Elektr shtat” (The Electric State, 2025) — 74,2 mln
“Qarshi hujum” (Contraataque, 2024) — 71,3 mln
“Hayot uchun” (Ad Vitam, 2025) — 69,8 mln
“Yaxshi bo‘lish osonmi 4” (Despicable Me 4, 2024) — 69,8 mln
Seriallar reytingining ilk uch o‘rnini “O‘smirlik davri” mini-seriali hamda “Kalmar o‘yini”ning 2- va 3-fasllari egalladi.
Kutilmagan hitlar qatorida esa Robert De Niro ijro etgan siyosiy triller “Kiberhujum” (“Zero Day”) hamda bir shaxsning bedarak yo‘qolish haqida hikoya qiluvchi serial — “Seni sog‘indim” (“Miss You”) ajralib turadi.
Barcha tomoshalarning deyarli yarmi 2023-yil yoki undan oldingi yillarda chiqarilgan loyihalarga to‘g‘ri kelgan. Bular qatoriga “Olovrang — mavsum hiti” (“Orange is the New Black”), “Ozark” va “Qog‘oz uy” (“La Casa de Papel”) kiradi.
2025-yilning birinchi yarmida eng ko‘p ko‘rilgan 10 ta serial:
“O‘smirlik davri” (mini-serial) — 144,8 mln
“Kalmar o‘yini” (2-fasl) — 117,3 mln
“Kalmar o‘yini” (3-fasl) — 71,5 mln
“Kiber hujum” (mini-serial) — 61,3 mln
“Seni sog‘indim” (mini-serial) — 58 mln
“Amerikacha qotillik: Gabbi Petito” (1-fasl) — 56,1 mln
“Miss Reychel” (1-fasl) — 53,4 mln
“Sirenalar” (mini-serial) — 53,3 mln
“Tungi agent” (2-fasl) — 53,2 mln
“Jenni va Jorjiya” (3-fasl) — 48,1 mln
Izoh (0)