Буюк Британияда юз берган тошқинлар мамлакат иқтисодиётига келтирган зарар 1,6—2,2 миллиард фунт стерлингни (2,37—3,26 миллиард доллар) ташкил этиши мумкин. Бу ҳақда «Интерфакс» хабар бермоқда.
Мазкур суммадан 1—1,2 миллиард фунти суғурта тўловлари ҳисобига қопланади. Шунингдек, Буюк Британия ҳукумати тошқинлардан ҳимояланиш учун 2,3 миллиард фунт ажратишни ваъда қилган.
Буюк Британия шимолий қисмида давомли ёмғирлар оқибатида содир бўлган тошқинлар туфайли 10 мингдан зиёд уй электр энергиясидан маҳрум бўлди, минглаб кишилар эвакуация қилинди, бир неча кўприклар ёпилган, улардан бири вайрон бўлган.
Қутқарувчиларга ҳарбий хизматчилар ва кўнгиллилар ёрдамга келган. Метереологлар яқинлашиб келаётган Фрэнк пўртанаси вазиятни янада оғирлаштириши мумкинлиги тўғрисида огоҳлантирмоқда.
Изоҳ (0)