O‘zbekistonlik FIFA referisi Ravshan Ermatov BAAda bo‘lib o‘tgan Globe Soccer Awards taqdimotida “2015-yilning eng yaxshi hakami” deb topildi.
MyDay loyihasi Ermatovlar oilasini mazkur muvaffaqiyat bilan tabriklab, uning ukasi — Sardor Ermatovdan “2015-yilning eng yaxshi hakami” nimalarni xush ko‘rishiga qiziqdi.
1. Sevimli taomi — rafiqasi tayyorlagan karam do‘lma.
Bundan tashqari, Ravshan Ermatov har bir o‘yindan avval yumaloq qiyma (frikadelka)li sho‘rva ichishni kanda qilmaydi.
2. Ravshan Ermatov hordiq chiqarish uchun oilaviy Issiqko‘lga borishni xush ko‘radi.
3. Kitoblardan asosan kasbga oidlarini, ya’ni, FIFA tomonidan har yili chiqariladigan qo‘llanma va boshqa nashrlarni o‘qiydi. “FIFA — 100 yil. Futbol asri” — o‘qigan so‘nggi kitoblardan biridir.
4. Sevimli filmlari, albatta, futbol haqida: “Maradona” (2008), “Gol” (2005), “Butun hayot — o‘yin” (2006).
5. Ravshan Ermatov Yangi yilni oilasi davrasida kutib olishni yaxshi ko‘radi. Bu yil ham bundan mustasno emas.
Ravshan Ermatov rafiqasi Muroda Ermatova bilan:
- “O‘zbekiston iftixori” ko‘krak nishoni — 2010
- “El-yurt hurmati” ordeni — 2014
- Osiyoning eng yaxshi futbol hakami — 2008, 2009, 2010, 2011, 2014
- O‘zbekistonning eng yaxshi futbol hakami — 2006, 2007 2008, 2009, 2010, 2011, 2012, 2013, 2014
Ravshan Ermatov o‘zining qisqa muddatli futbolchilik faoliyati, hakam bo‘lish haqidagi qarori va bu kasbni tanlashda otasining tutgan roli haqida o‘zi haqida tayyorlangan hujjatli filmlarning birida so‘zlab bergan:
https://www.youtube.com/watch?v=cFmoyunorUw
Izoh (0)