Ўзбекистонлик ФИФА рефериси Равшан Эрматов БААда бўлиб ўтган Globe Soccer Awards тақдимотида «2015 йилнинг энг яхши ҳаками» деб топилди.
MyDay лойиҳаси Эрматовлар оиласини мазкур муваффақият билан табриклаб, унинг укаси — Сардор Эрматовдан «2015 йилнинг энг яхши ҳаками» нималарни хуш кўришига қизиқди.
1. Севимли таоми — рафиқаси тайёрлаган карам дўлма.
Бундан ташқари, Равшан Эрматов ҳар бир ўйиндан аввал юмалоқ қийма (фрикаделка)ли шўрва ичишни канда қилмайди.
2. Равшан Эрматов ҳордиқ чиқариш учун оилавий Иссиқкўлга боришни хуш кўради.
3. Китоблардан асосан касбга оидларини, яъни, ФИФА томонидан ҳар йили чиқариладиган қўлланма ва бошқа нашрларни ўқийди. «ФИФА — 100 йил. Футбол асри» — ўқиган сўнгги китоблардан биридир.
4. Севимли фильмлари, албатта, футбол ҳақида: «Марадона» (2008), «Гол» (2005), «Бутун ҳаёт — ўйин» (2006).
5. Равшан Эрматов Янги йилни оиласи даврасида кутиб олишни яхши кўради. Бу йил ҳам бундан мустасно эмас.
Равшан Эрматов рафиқаси Мурода Эрматова билан:
- «Ўзбекистон ифтихори» кўкрак нишони — 2010
- «Эл-юрт ҳурмати» ордени — 2014
- Осиёнинг энг яхши футбол ҳаками — 2008, 2009, 2010, 2011, 2014
- Ўзбекистоннинг энг яхши футбол ҳаками — 2006, 2007 2008, 2009, 2010, 2011, 2012, 2013, 2014
Равшан Эрматов ўзининг қисқа муддатли футболчилик фаолияти, ҳакам бўлиш ҳақидаги қарори ва бу касбни танлашда отасининг тутган роли ҳақида ўзи ҳақида тайёрланган ҳужжатли фильмларнинг бирида сўзлаб берган:
https://www.youtube.com/watch?v=cFmoyunorUw
Изоҳ (0)