Belarus MDH doirasida Ukraina bilan erkin savdo hududi to‘g‘risidagi kelishuvdan chiqmaydi. Bu haqda Ukrainaning savdo vakili Natalya Mikolskaya Twitter orqali ma’lum qildi, deb xabar beradi “Gazeta.ru”.
Mikolskaya Belarus — Ukraina savdo masalalari bo‘yicha oliy darajadagi ishchi guruhining ikkinchi majlisi yakunlariga to‘xtalar ekan “Uchrashuv davomida eng dolzarb savdo masalalarini muhokama qildik. Asosiysi — Belarus Respublikasi Ukraina bilan erkin savdo hududidan chiqmaydi”, — deb yozdi.
Erkin savdo hududi bo‘yicha Ukraina, Yevroittifoq va Rossiya o‘rtasidagi Bryusselda kechgan muzokaralarda Yevrokomissiya Rossiyani qayishqoqlik qilmaslikda ayblagandi. Rossiya 2016-yil 1-yanvardan boshlab Ukrainaga nisbatan bir qancha sanksiyalar joriy qilmoqda, bu haqda bosh vazir Dmitriy Medvedev erkin savdo hududi bo‘yicha Rossiya, Ukraina va Yevroittifoq o‘rtasidagi uch tomonlama muzokaralar davomida ma’lum qildi.
Izoh (0)