Britaniyalik Jon Biden AQShdan Tinch okeani orqali Avstraliyaga qayiqda bir o‘zi to‘xtamay suzib o‘tgan birinchi inson bo‘ldi. Buning uchun sayyohga 209 kun talab etildi, deya xabar beradi The Guardian.
Britaniyalik safarini San-Fransiskoda iyunda boshlagan, bunga 140 kundan 180 kungacha ketishi, sayohat oktabr o‘rtalarigacha cho‘zilishini chamalagandi. Ammo ob-havo sharoitlari tufayli Kernsga (Avstraliyaning Kvinslend shtati) 27-dekabr, yakshanba kunigina yetib keldi. Biden olti metrli Socks II qayig‘ida kuniga 15 soatdan suzdi. Safar davomida 53 yoshli britaniyalik 11,2 ming kilometr masofani ortda qoldirdi.
“Bunchalik qiyin bo‘lishini o‘ylamagandim, ammo bu aynan men istagan narsa. Bunday natijaga erishgan birinchi inson bo‘lish favqulodda hodisa”, — deya ta’kidlaydi Jon Biden.
Izoh (0)