Беларусь МДҲ доирасида Украина билан эркин савдо ҳудуди тўғрисидаги келишувдан чиқмайди. Бу ҳақда Украинанинг савдо вакили Наталья Микольская Twitter орқали маълум қилди, деб хабар беради «Газета.ru».
Микольская Беларусь — Украина савдо масалалари бўйича олий даражадаги ишчи гуруҳининг иккинчи мажлиси якунларига тўхталар экан «Учрашув давомида энг долзарб савдо масалаларини муҳокама қилдик. Асосийси — Беларусь Республикаси Украина билан эркин савдо ҳудудидан чиқмайди», — деб ёзди.
Эркин савдо ҳудуди бўйича Украина, Евроиттифоқ ва Россия ўртасидаги Брюсселда кечган музокараларда Еврокомиссия Россияни қайишқоқлик қилмасликда айблаганди. Россия 2016 йил 1 январдан бошлаб Украинага нисбатан бир қанча санкциялар жорий қилмоқда, бу ҳақда бош вазир Дмитрий Медведев эркин савдо ҳудуди бўйича Россия, Украина ва Евроиттифоқ ўртасидаги уч томонлама музокаралар давомида маълум қилди.
Изоҳ (0)