2015-yilda ovqatga puli yetmagan va ovqatga puli yetarli, biroq kiyim olishga mablag‘i yetarli bo‘lmagan Rossiyadagi oilalar soni deyarli ikki barobarga o‘sdi — 22 foizdan 39 foizga. Bu haqda Jamoatchilik fikrini o‘rganish Butunrossiya markazi ma’lumotlariga tayanib, “RBK” xabar bermoqda.
O‘tgan yilga qadar Rossiyadagi kambag‘al oilalar soni faqat kamayib kelayotgandi. 2005-yilda bunday oilalar 49 foizni tashkil qilgan bo‘lsa, 2009-yilga kelib ularning soni 39 foizga tushgandi. 2014-yilning oxiriga kelib kambag‘al oilalar ulushi yana 17 foizga kamaygandi.
Bundan tashqari, 2015-yilda oziq-ovqat va kiyim-kechak uchun puli bor, biroq maishiy texnika va mebel olishda qiyinchilikka uchrayotganlar soni 47 foizdan 40 foizga tushdi. Bularning bariga daromadi yetarli, biroq avtomobil sotib olishga puli yetmaydiganlar soni 27 foizdan 16 foizga tushdi.
Rosstat ma’lumotlariga ko‘ra, 2015-yil yanvar—sentabr oylari davomida Rossiyada kambag‘allar soni 20,3 million kishini tashkil etib, bu ko‘rsatkich 2014-yilning shu davr ichidagi ko‘rsatkichidan 2,3 million kishiga ko‘paygan.
Izoh (0)