Milliarder Alisher Usmonov rangli metallar ishlab chiqaruvchi dunyodagi yirik korxonalardan biri — “Norilskiy nikel” kompaniyasidagi ulushini oshirishini istisno etmadi. Bu haqda “Vesti” xabar bermoqda.
“Men menejmentimizga “Nornikel” aksiyalarini sotishni emas, aksincha, xarid qilishni maslahat bergan bo‘lardim. Bizga aksiya paketlarida pul ishlab olish maroqli. Mazkur korxona nazorati boshqa kompaniyalarga tegishli. Shuning uchun uning rivojlanishini diqqat bilan kuzatib boramiz, u yaxshigina dividend daromadi keltiryapti”, — deya ta’kidlagan Usmonov.
Hozircha “Norilskiy nikel” aksiyalari ulushini oshirish haqida qaror qabul qilinmagan. Usmonovning bildirishicha, bu investitsiyalar bo‘linmasi mablag‘ni u yoki bu yo‘nalishga qo‘yish kelajagi haqida bir to‘xtamga kelishiga bog‘liq.
Izoh (0)