AQShning Alabama shtatidagi Birmingem shahri tornadodan jiddiy zarar ko‘rdi, deb xabar qiladi “Korrespondent.net”.
Meteorologlarning qayd etishicha, ofat 25-dekabr, juma kuni mahalliy vaqt bilan taxminan 17:00 (Toshkent vaqti bo‘yicha 26-dekabr, shanba kuni soat 04:00)da yopirilgan.
ABC telekompaniyasining ma’lum qilishicha, kamida bir kishi tan jarohati olgan.
Guvohlarning ta’kidlashicha, shahar katta talofat ko‘rgan. Twitter foydalanuvchilaridan biri butunlay qulab tushgan ikkita binoning suratini joyladi.
Mahalliy hukumat vakillari xarobalar ostidan qutqaruvchilar bir necha kishini chiqarib olganini ma’lum qildi.
Oldinroq AQShning Missisipi, Tennessi va Arkanzas shtatlarida bo‘lib o‘tgan po‘rtana va tornadolar oqibatida 14 kishi qurbon bo‘lgani xabar qilingandi.
Izoh (0)