АҚШнинг Алабама штатидаги Бирмингем шаҳри торнадодан жиддий зарар кўрди, деб хабар қилади «Корреспондент.net».
Метеорологларнинг қайд этишича, офат 25 декабрь, жума куни маҳаллий вақт билан тахминан 17:00 (Тошкент вақти бўйича 26 декабрь, шанба куни соат 04:00)да ёпирилган.
ABC телекомпаниясининг маълум қилишича, камида бир киши тан жароҳати олган.
Гувоҳларнинг таъкидлашича, шаҳар катта талофат кўрган. Twitter фойдаланувчиларидан бири бутунлай қулаб тушган иккита бинонинг суратини жойлади.
Маҳаллий ҳукумат вакиллари харобалар остидан қутқарувчилар бир неча кишини чиқариб олганини маълум қилди.
Олдинроқ АҚШнинг Миссисипи, Теннесси ва Арканзас штатларида бўлиб ўтган пўртана ва торнадолар оқибатида 14 киши қурбон бўлгани хабар қилинганди.
Изоҳ (0)