Avstraliyaning Melburn shahridan 120—150 km janubi-g‘arbda okean sohillarida joylashgan bir nechta sayyohlik shaharchalaridagi hayot kuchli tabiiy yong‘inlar natijasida to‘xtab qoldi, deya xabar bermoqda “TASS”.
Viktoriya shtati favqulodda holatlar boshqarmasi ma’lumotlariga ko‘ra, 25-dekabr, juma kuni kechqurun alanga oqibatida Lorn shahridan g‘arbdagi aholi punktlarida 50 dan ziyod uy kulga aylangan.
Jabrlanganlar va qurbonlar haqida xabar kelib tushganicha yo‘q — sayyohlar yong‘in haqida avvaldan ogohlantirilgan va ko‘pchilik odamlar xavfli hududlarni vaqtida tark etgan edi.
Viktoriya shtati va Tasmaniya orolida ko‘plab tabiiy yong‘inlar sodir bo‘lishiga quruq, issiq va shamolli havo sabab bo‘ldi.
Izoh (0)