Afg‘onistonning Tojikiston va Pokiston bilan chegarasi yaqinida yuz bergan zilziladan so‘ng 40 dan ziyod kishi kasalxonaga yotqizildi, deya xabar bermoqda “Segodnya.ua”.
6,3 magnitudali zilzila epitsentri Afg‘oniston shimoli-sharqidagi Hindikush tog‘larida, 203 metr chuqurlikda joylashdi.
Yerosti silkinishi mahalliy vaqt bilan 25-dekabr 23:00 da qayd etilgan. Zilzila qaytalanishi xavfi tufayli Qobul aholisi o‘z uylarini tark etishga majbur bo‘ldi.
Yer silkinishi, shuningdek, Pokiston poytaxti Islomobodda ham sezildi. Pokiston hukumati kasalxonalarda favqulodda vaziyat e’lon qildi.
Eslatib o‘tamiz, Afg‘onistondagi zilzila O‘zbekistonda ham sezildi. Xususan, Toshkentda yer silkinishi kuchi 3 ballga teng bo‘ldi.
Izoh (0)