Rossiya prezidenti Vladimir Putin va Hindiston bosh vaziri Narendra Modi Hindiston hukumati rahbarining RFga rasmiy tashrifi yakunlari yuzasidan qo‘shma bayonot qabul qildi. Hujjatga “Ishonchli munosabatlar orqali hamkorlikning yangi imkoniyatlari sari” deb sarlavha qo‘yildi. Bu haqda “TASS” xabar beradi.
Rossiya va Hindiston Suriyadagi vaziyat haqida to‘xtalar ekan, Suriyaning suvereniteti, birligi va hududiy yaxlitligini qo‘llab-quvvatlashini bildirdi. RF va Hindiston Iroq xalqi va hukumatini hozirgi inqiroz holatida, milliy suverenitetini va hududiy butunligini himoya qilishdagi sa’y-harakatlarini qo‘llab-quvvatlashini bildirdi.
Rossiya va Hindiston Ukrainadagi vaziyatga to‘xtalar ekan, xavfsizlik borasida, jumladan Ukraina janubi-sharqida o‘t ochishni to‘xtatish rejimiga amal qilish muhimligini, bundan tashqari, 100 mm kalibrdan kichik harbiy texnika va artilleriyani to‘qnashuv chizig‘idan ortga surish to‘g‘risidagi kelishuvni olqishladi.
Bundan tashqari, davlat yetakchilari ishtirokida 15 ta hujjat imzolandi.
Oldinroq Rossiyada ikki kunlik davlat tashrifi bilan bo‘lib turgan Hindiston bosh vaziriga Putin qilich va Gandi kundaligi sahifasini sovg‘a qilgani xabar berilgandi.
Izoh (0)