Rossiyada musulmonlarning yagona tashkiloti tuzilgani e’lon qilindi

Rossiyaning yetakchi musulmon tashkilotlari — musulmonlar markaziy diniy boshqarmasi (MMDB), Rossiya muftiylar kengashi (RMK) va Tatariston mustaqil muftiyligi yagona markazlashgan musulmon tashkilotiga birlashadi. Bu haqda shu paytga qadar Rossiya oliy muftiysi maqomiga ega bo‘lgan MMDB yetakchisi Talgat Tajuddin ma’lum qildi, deya xabar beradi “RBK”.

Uning ta’kidlashicha, RMK yetakchisi Ravil G‘aynuddin bilan bu borada kelishuvga erishilgan. Maqsad esa ekstremizmga qarshi birgalikdagi kurashishdan iborat.

Uning bayonoti RMKda inkor etilgan. Rossiya muftiylar kengashi rahbari o‘rinbosari Ravshan Abbosovning aytishicha, hozircha gap faqat ekstremizmga qarshi umumiy kurash haqida ketmoqda, tashkilotlar qo‘shilishi esa ko‘zda tutilmagan.