Kreml Angela Merkel va Devid Kemeron Putin haqida fikr almashganini “tabiiy hol” deb atadi

Kreml Germaniya kansleri Angela Merkel va Buyuk Britaniya bosh vaziri Devid Kemeron o‘rtasida Rossiya, prezident Vladimir Putin va IShID haqida fikr almashinuvini tabiiy hol deb hisoblaydi. Bu haqda Rossiya prezidentining matbuot kotibi Dmitriy Peskov ma’lum qildi, deya xabar beradi “RBK”.

“Kun tartibidagi dolzarb mavzular yuzasidan fikr almashish mutlaqo tabiiy hol. Rossiya, Yevroittifoqning Rossiya bilan munosabatlari va xalqaro terrorchilikka qarshi kurash esa aynan shunday masalalar qatoriga kiradi”, — deya ta’kidlagan Peskov.

Eslatib o‘tamiz, oldinroq The Times Germaniya kansleri Londonga tashrifi chog‘ida Buyuk Britaniya maxsus xizmatlari rahbariyatidan IShID haqida ma’lumotlar olib, evaziga Rossiya, uning prezidenti, Ukrainadagi beqarorlik va Qrimdagi vaziyat haqidagi ma’lumotlar bilan bo‘lishganini ma’lum qilgandi.