Россия президенти Владимир Путин ва Ҳиндистон бош вазири Нарендра Моди Ҳиндистон ҳукумати раҳбарининг РФга расмий ташрифи якунлари юзасидан қўшма баёнот қабул қилди. Ҳужжатга «Ишончли муносабатлар орқали ҳамкорликнинг янги имкониятлари сари» деб сарлавҳа қўйилди. Бу ҳақда «ТАСС» хабар беради.
Россия ва Ҳиндистон Суриядаги вазият ҳақида тўхталар экан, Суриянинг суверенитети, бирлиги ва ҳудудий яхлитлигини қўллаб-қувватлашини билдирди. РФ ва Ҳиндистон Ироқ халқи ва ҳукуматини ҳозирги инқироз ҳолатида, миллий суверенитетини ва ҳудудий бутунлигини ҳимоя қилишдаги саъй-ҳаракатларини қўллаб-қувватлашини билдирди.
Россия ва Ҳиндистон Украинадаги вазиятга тўхталар экан, хавфсизлик борасида, жумладан Украина жануби-шарқида ўт очишни тўхтатиш режимига амал қилиш муҳимлигини, бундан ташқари, 100 мм калибрдан кичик ҳарбий техника ва артиллерияни тўқнашув чизиғидан ортга суриш тўғрисидаги келишувни олқишлади.
Бундан ташқари, давлат етакчилари иштирокида 15 та ҳужжат имзоланди.
Олдинроқ Россияда икки кунлик давлат ташрифи билан бўлиб турган Ҳиндистон бош вазирига Путин қилич ва Ганди кундалиги саҳифасини совға қилгани хабар берилганди.
Изоҳ (0)