Gruziya xalqaro majburiyatlarga muvofiq Rossiyaga yuqori darajada boyitilgan uran turkumini qaytaradi. Bu haqda mamlakat atrof-muhitni muhofaza qilish va tabiat zaxiralari vaziri Gigla Agulashvili ma’lum qildi, deya xabar beradi “Interfaks”.
“Xalqaro qoidalarga ko‘ra uran uni ishlab chiqargan mamlakatga qaytarilmoqda. Mazkur turkum aeroportga yetkaziladi va u yerdan Rossiya Federatsiyasiga jo‘natiladi. Yuk jo‘natilgandan keyin Gruziya hududida yuqori darajada boyitilgan uran zaxiralari qolmaydi”, — deya ta’kidlagan Agulashvili.
Gruziyada uran Tbilisidagi izotoplar instituti va oldin tadqiqot atom reaktoriga ega bo‘lgan poytaxt yaqinidagi fizika instituti ehtiyojlari uchun foydalanilgan. Reaktor ishi bundan bir necha yil avval to‘xtatilgandi.
Uran qaytarilgani uchun kompensatsiya tariqasida 2 million dollar atrofida to‘lanishi aytilmoqda.
Izoh (0)