10 yil avval Yangi Orleanga shaharni yer bilan bitta qilgan, minglab kishilarni hayotdan olib ketgan va ko‘plab oilalarni boshpanasiz qoldirgan AQSh tarixidagi eng vayronkor “Katrina” dovuli yopirildi. Mazkur fojia taniqli aktyor Bred Pittni larzaga soldi va u ofat qurbonlariga yordam berish uchun Make It Right fondiga asos soldi. Bu haqda “AdMe.ru” hikoya qildi.
Ofatdan eng ko‘p Louer Nint Yard tumani jabr ko‘rdi — hudud deyarli to‘liq suv ostida qoldi, binolar esa vayronaga aylandi. Pitt va fond tomonidan yig‘ilgan mablag‘ga ushbu tumanda 109 ta uy qurildi.
Aktyor taniqli me’morlarni taklif etdi va binolar rejasini tayyorlashda shaxsan ishtirok etdi. Qurilish boshlanganda aktyor uning barcha bosqichlarini o‘zi nazorat qildi.
Uylar eng zamonaviy ekotexnologiyalar va “yashil” qurilish tamoyillari asosida qurildi, tomlarga quyosh batareyalari o‘rnatildi.
Joli va Pitt 2005-yilda o‘zlari ham Yangi Orleanda hashamatli imorat sotib oldi va uni o‘zlarining ikkinchi uylariga aylantirdi.
Uylar qoyilmaqom qurildi: tabiiy ofatlarga chidamli, ekologik talablarga javob beruvchi va ko‘rkam. Aktyor boshidan shuncha tashvish o‘tgan odamlar chiroyli va arzirli boshpanaga ega bo‘lishlarini istagandi.
Yangi uylarga ko‘chib o‘tgan oilalarning quvonchi ichiga sig‘masdi. Loyiha ustida ishlash davomida Pitt ular bilan yaxshilab tanishib oldi.
Endi bu tumanni tanib bo‘lmaydi. U allaqachon mahalliy diqqatga sazovor joylardan biriga aylangan, bu yerdan sayyohlarning qadami uzilmaydi.
Aktyor oilalar devor ranglarini o‘zlari tanlashini istagandi. Ularning barchasi huddi kelishib olgandek yangi hayot timsoli sifatida oq, sariq, yashil, moviy kabi hayotbaxsh ranglarni ma’qul ko‘rdi.
Izoh (0)