Fransiya prezidenti Fransua Olland, kanadalik xonanda Jastin Biber va britaniyalik shahzoda Garri 2015-yilning eng yuksak did bilan kiyinuvchi kishilari ro‘yxatidan o‘rin oldi. “Gazeta.ru” xabariga ko‘ra, ro‘yxat Financial Times gazetasi tomonidan e’lon qilingan.
Ro‘yxatdan siyosiy arboblar, musiqachilar, aktyorlar va boshqa mashhurlar o‘rin olgan bo‘lib, e’tiborli tomoni, ular alohida o‘rinlar bo‘yicha saralab chiqilmagan.
Yilning eng yuksak did bilan kiyinuvchi insonlari orasida, jumladan, aktrisa Siyenna Miller, Jennifer Lourens, Dakota Jonson, Julianna Mur va Lea Seydu bor. Shuningdek, “Yulduzlar jangi” kinosagasining yettinchi qismi rejissori Jey Jey Abrams va aktyor Kolin Farrell ham ro‘yxatga kirgan.
Bundan tashqari, reytingda Lineyzi Montero va Kendall Jenner kabi modellar ham bor. Yuksak did bilan kiyinuvchilar orasidan AQShning sobiq birinchi xonimi Hillari Klinton, Buyuk Britaniya moliya vaziri Jorj Osborn va Kanada bosh vaziri Jastin Tryudo ham o‘rin olgan.
Shuningdek, futbol murabbiyi Kike Sanches Flores, yozuvchi Marlon Jeyms, One Direction guruhi vakili Garri Stayls, Vanessa Paradi va Jonni Deppning qizi — Lili Rouz Depp, xonanda va shoir Patti Smit ham ro‘yxatga kiritilgan.
Izoh (0)