Туркия ҳарбийларининг автоколоннаси курд «пешмерг» отрядларининг Шимолий Ироқдаги Башика машғулот лагерини тарк этди, дея хабар бермоқда «ТАСС» NTV телеканалига таяниб. Улар Ироқ шимолидаги бошқа минтақага кўчирилган.
Туркия ҳарбий контингенти айнан қаерга жойлаштирилгани хабар берилганича йўқ. Лагердан жами 10—12 дона армия транспорти чиқиб кетган. Телеканал маълумотларига кўра, сўнгги вақтларда Туркия ушбу минтақага 25 та танк йўналтирган, минтақадаги ҳарбий хизматчилар сони эса тахминан 600 кишига тенг.
Нашр эслатишича, 11 декабрь куни президент Ражаб Тоййиб Эрдўғон Туркия курдларнинг «пешмерг» исёнчиларини тайёрлашда давом этишини айтиб, Шимолий Ироқдан ўз ҳарбийларини чиқариб кетмоқчи эмаслигини маълум қилган эди.
Изоҳ (0)