Kalimantan (Borneo) orolining Indoneziyadagi qismidagi daryoda tezyurar kater cho‘kib ketishi oqibatida to‘rt kishi, jumladan, uch nafar ayol va bir nafar bola halok bo‘ldi, o‘n kishi dom-daraksiz yo‘qoldi. Bu haqda “RIA Novosti” xabar bermoqda.
Qutqaruvchilarning ma’lum qilishicha, katerda jami 53 kishi bo‘lgan. Daryodagi qutqaruv ishlari davom etmoqda, biroq hozirgacha hech kim topilmagan. Bedarak yo‘qolganlar orasida besh-olti yoshdagi uch nafar bola ham borligi bildirilgan.
Fojiaga katerning yog‘och bilan to‘qnashib ketgani sabab bo‘lgani aytilmoqda.
Izoh (0)