Rossiya prezidenti ma’muriyati binosi yonida uzoq masofaga yuk tashuvchi haydovchilar aksiya boshladi

Moskvada prezident ma’muriyati binosi yaqinida uzoq masofaga yuk tashuvchi haydovchilar federal trassalarda yurish uchun pul to‘lash tizimi (“Platon”)ga qarshi aksiya uyushtirdi, deya xabar bermoqda “Vedomosti”.

Aksiyada jurnalistlarni hisobga olmaganda, o‘nlab kishilar qatnashdi. U miting shaklida bo‘lib, Rossiya Federatsiyasi Kommunistik partiyasi rahnamoligida deputatlar bilan uchrashuvlar o‘tkazilmoqda. Davlat dumasining bir qator deputatlari so‘zga chiqdi.

Eslatib o‘tamiz, avvalroq Rossiya prezidenti Vladimir Putinning matbuot kotibi Dmitriy Peskov prezident ma’muriyati uzoq masofaga yuk tashuvchi haydovchilarning “Platon” tizimiga qarshi namoyishlari bilan bog‘liq vaziyat yuzasidan shug‘ullanmayotganligini ma’lum qilgan edi.