Ostonadagi maktablardan biridan bomba haqidagi yolg‘on xabardan so‘ng 900 dan ziyod kishi evakuatsiya qilindi. Bu haqda shahar ichki ishlar departamenti (IID) matbuot xizmatiga tayanib, Kazakhstan Today xabar bermoqda.
“Ostona IID tezkor boshqaruv markaziga noma’lum abonentdan poytaxtdagi 27- maktabga portlovchi qurilma joylashtirilgani haqida xabar keldi.
Kinologlar va “Arlan” maxsus bo‘linmasi maktab binosi hamda uning atrofidagi hududni tekshirib chiqdi. Politsiya maktabni qurshab olib, 900 dan ziyod kishi —o‘quvchilar, o‘qituvchilar va xodimlarni evakuatsiya qildi. Portlovchi qurilma joylashtirilgani to‘g‘risidagi ma’lumot o‘z tasdig‘ini topmadi”, — deyiladi matbuot xizmati xabarida.
Izoh (0)