Saudiya Arabistoni Suriya prezidenti Bashar Asad hukumatdan chetlatilishiga erishishga harakat qilishda davom etadi. Bu haqda Ar-Riyoddagi matbuot anjumanida qirollik tashqi ishlar vaziri Adel al Jubayr aytib o‘tdi, deb yozadi “TASS”.
“Yo Suriyada muzokaralar yo‘li bilan siyosiy tartibga solishga erishiladi va Asad o‘z lavozimini tark etadi, yo nizolar davom etadi va bu maqsadga harbiy yo‘l bilan erishiladi”, — deya ta’kidladi Saudiya tashqi ishlar vaziri. Shu bilan birga, u qirollik “qurolli muxolifatni qo‘llab-quvvatlash bo‘yicha o‘z majburiyatlariga sodiq”ligini qayd etdi.
Saudiya vaziri Fors ko‘rfazi arab davlatlari hamkorlik kengashining 36-sammiti yakunlariga bag‘ishlangan matbuot anjumanida so‘zga chiqdi.
Izoh (0)