Остонадаги мактаблардан биридан бомба ҳақидаги ёлғон хабардан сўнг 900 дан зиёд киши эвакуация қилинди. Бу ҳақда шаҳар ички ишлар департаменти (ИИД) матбуот хизматига таяниб, Kazakhstan Today хабар бермоқда.
«Остона ИИД тезкор бошқарув марказига номаълум абонентдан пойтахтдаги 27- мактабга портловчи қурилма жойлаштирилгани ҳақида хабар келди.
Кинологлар ва «Арлан» махсус бўлинмаси мактаб биноси ҳамда унинг атрофидаги ҳудудни текшириб чиқди. Полиция мактабни қуршаб олиб, 900 дан зиёд киши —ўқувчилар, ўқитувчилар ва ходимларни эвакуация қилди. Портловчи қурилма жойлаштирилгани тўғрисидаги маълумот ўз тасдиғини топмади», — дейилади матбуот хизмати хабарида.
Изоҳ (0)