Qozog‘iston prezidenti Nursulton Nazarboyev “Xalqaro munosabatlar” nominatsiyasida “Yil odami—2015” mukofoti laureati bo‘ldi. Bu haqda Qozog‘iston Respublikasining Rossiya Federatsiyasidagi elchixonasi xabar berdi.
Mukofot ta’sischilari – Rossiya biografiya instituti va iqtisodiy strategiya instituti vakillarining ma’lum qilishicha, Nazarboyev xalqaro siyosat va Yevrosiyo iqtisodiy ittifoqini mustahkamlashda erishgan muvaffaqiyatlari uchun mukofotga loyiq ko‘rilgan. Qozog‘iston prezidenti 2012 va 2014-yillarda ham ushbu mukofot sohibi bo‘lgandi.
Nazarboyevdan tashqari, mukofot laureatlari qatorida Rossiya prezidenti Vladimir Putin, Belarus rahbari Aleksandr Lukashenko, Xitoy yetakchisi Si Szinpin, Kuba davlat kengashi raisi Raul Kastro, Tataristonning birinchi prezidenti Mintimer Shaymiyev, patriarx Kirill, akademik Leo Bokeriya, kinorejissor Nikita Mixalkov va boshqalar bor.
Izoh (0)