San-Bernardinodagi nogironlar uyida sodir bo‘lgan otishma haqidagi ishni tergov qilish doirasida kaliforniyalik o‘qchiga qurol yetkazib bergan Enrike Markes hujum tashkilotchisi Rizvon Foruq bilan qarindosh ekanligi aniqlandi, deb yozadi “Gazeta.ru”.
Enrike Markes 2014-yilda Mariya Chyornixga uylangan. Chyornixning opasi Tatyana esa avvalroq Rizvon Foruqning akasiga turmushga chiqqan bo‘lgan.
Ta’kidlanishicha, ikkala ayol ham rossiyalikdir.
Markes ham islom diniga o‘tgan. Uning do‘stlari aytishicha, u rafiqasi haqida hech qachon gapirmagan va diniy turmush tarzini olib bormagan.
Eslatib o‘tamiz, 3-dekabr, payshanbaga o‘tar kechasi San-Bernardinodagi nogironlar uyida sodir bo‘lgan otishma oqibatida 14 kishi halok bo‘lgan va 17 kishi jarohatlangan.
Avvalroq Rizvon Foruqning sherigi va turmush o‘rtog‘i Tashfin Malik IShIDga sodiqlikka qasamyod etgani ma’lum bo‘lgani haqida xabar bergandik.
Keyinroq Rizvon Foruqning bankdagi hisob raqamiga teraktdan ikki hafta avval 28,5 ming dollar kelib tushgani ma’lum bo‘ldi.
Izoh (0)