Сан-Бернардинодаги ногиронлар уйида содир бўлган отишма ҳақидаги ишни тергов қилиш доирасида калифорниялик ўқчига қурол етказиб берган Энрике Маркес ҳужум ташкилотчиси Ризвон Форуқ билан қариндош эканлиги аниқланди, деб ёзади «Газета.ru».
Энрике Маркес 2014 йилда Мария Чёрнихга уйланган. Чёрнихнинг опаси Татьяна эса аввалроқ Ризвон Форуқнинг акасига турмушга чиққан бўлган.
Таъкидланишича, иккала аёл ҳам россияликдир.
Маркес ҳам ислом динига ўтган. Унинг дўстлари айтишича, у рафиқаси ҳақида ҳеч қачон гапирмаган ва диний турмуш тарзини олиб бормаган.
Эслатиб ўтамиз, 3 декабрь, пайшанбага ўтар кечаси Сан-Бернардинодаги ногиронлар уйида содир бўлган отишма оқибатида 14 киши ҳалок бўлган ва 17 киши жароҳатланган.
Аввалроқ Ризвон Форуқнинг шериги ва турмуш ўртоғи Ташфин Малик ИШИДга содиқликка қасамёд этгани маълум бўлгани ҳақида хабар бергандик.
Кейинроқ Ризвон Форуқнинг банкдаги ҳисоб рақамига терактдан икки ҳафта аввал 28,5 минг доллар келиб тушгани маълум бўлди.
Изоҳ (0)