Rossiya prezidenti Vladimir Putin britaniyalik mutaxassislarni Turkiya tomonidan urib tushirilgan Su-24 samolyotiga tegishli “qora quti” yozuvlarini o‘rganishda ishtirok etishga taklif qildi. Bu haqda Kreml matbuot xizmati ma’lum qilgan, deya xabar beradi “TASS”.
Putin va Buyuk Britaniya bosh vaziri Devid Kemeron telefon orqali muloqotda Yaqin Sharqda, xususan, Suriyada xavfsizlikni ta’minlash masalalarini muhokama etdi. Suhbat chog‘ida ikki tomon ham “mintaqada faoliyat olib borayotgan IShID va boshqa terrorchi guruhlar tahdidi borasida yakdil fikrda” ekanliklari ta’kidlangan.
Izoh (0)